Mangyshlaq express. Пойыздағы паника

«Mangyshlaq Express: Пойыздағы паника» — комедия мен шытырман оқиғаға толы фильм. Мейірімді әрі айналасындағыларға үнемі көмектесуге дайын Шолпан пойыз жолсерігі болып жұмыс істейді. Оның бәріне ұнауға деген талпынысы талай рет өзіне қиындық әкелген.

Күндердің бір күнінде Шолпан досына көмектесуге келісіп, оның орнына Алматы — Маңғышлақ бағытына жолсерік болып шығады. Вагонда әртүрлі жолаушылар бар еді: қылмыскерді алып келе жатқан полицейлер, шетелдік туристер, әскерден қайтқан сарбаз, қарт әже, балалы отбасы, көңілді музыканттар және Думан есімді жігіт.

Алғашында қарапайым сапар болып көрінгенімен, көп ұзамай Шолпан жолаушылардың арасында жасырын тексеруші бар екенін біледі. Оның кім екенін анықтауға тырысқан бойжеткен күтпеген қауіпті құпияларға тап болады. Осылайша пойыздағы сапар қызыққа, күлкіге және шиеленіске толы оқиғаға айналады.